Actividad

 Celebracion Dia internacional di Persona cu Limitacion 2015

Tur aña Plataforma pa Persona cu Limitacion ta celebra 3 di december como Dia Internacional di Persona cu Limitacion. Na 2015 esaki no tabata ningun excepcion.

Na 2012 e plataforma aki a introduci e PPL-Award como un reconocimento na empresanan cu ta haci esfuerso pa haci nan luga accesibel, no solamente pa cliente cu limitacion, sino tambe pa trahado cu limitacion. For di 2012 PPL ta haci entrega di e distincion aki na un empresa tur aña. Na 2012 Aruba Marriott Resort a haya e reconocimento aki; na 2013 e tabata Amsterdam Manor Beach Resort y na 2014 esey tabata Superfood Aruba.

Haciendo su investigacion, Plataforma pa Persona cu Limitacion a yega na e conclusion cu Ginger Aruba ta esun cu na 2015 a merece e PPL-Award! Ginger Aruba ta un empresa chikito, pero cu ta prepara producto fresco y saludabel, ta recicla y ta tuma persona cu limitacion na trabou.

PPL ta kere cu Ginger Aruba ta haciendo un mundo di diferencia den bida di personanan cu limitacion cu ta traha eynan.

A haci e entrega oficial di e distincion aki durante e conmemoracion di Dia Internacional di Persona cu Limitacion, cual a tuma luga diahuebs, 3 di december 2015 na Surfside Marina.

PPL ta bisa Ginger Aruba: Hopi Pabien cu e distincion prestigioso aki y sigui haci e diferencia den bida di personanan cu limitacion!

Aki por mira algun potret di e celebracion: 

_______________________________________________________________________________________________________

Plataforma ta update e Sociale Kaart PPL pa 2015

Despues di un trabao intenso den compila informacion di mayoria instancia cu ta traha cu personanan cu limitacion aki na Aruba, PPL a presenta e Sociale Kaart PPL 2014. E documento aki  a wordo crea cu sosten di trahadornan di Seccion pa Persona cu Limitacion (SPL)   di  Departamento di  Asunto Social (DAS). E mapa social aki a keda cla net na ora pa asina por a completa e celebracion di dia 3 di december 2014, cu tabata dia Internacional di Persona cu Limitacion.

Nos di PPL conhuntamente cu trahadornan di SPL, lo keda percura tur aña pa un version digital di e Sociale Kaart PPL actualisa.

Riba e link aki bou por haya e Sociale Kaart PPL 2015 digital den PDF pa download :

Sociale Kaart PPL 2015

__________________________________________________________________

Paranda di Bochincha 2014

_______________________________________________________________________________________________________

 Fun Walk Fundashon Biba Bao Guia, 15 Juni, 2013



International Day of Persons with Disabilities, 3 December 2012

Klik pa download e informashon aki den un PDF file.

Dia 3 di December ta Dia Internacional di Persona cu Limitacion. Klik aki pa e website di Nacionnan Uni cu tur e informacion riba e dia special aki.

How the Day may be observed

Based on the main theme of IDPD 2012 “Removing barriers to create an inclusive and
accessible society for all”, sub-themes can be selected to cover all aspects of society and development, including, but not limited to, removing barriers to education, employment, transportation, travel and tourism or sports. You can select a sub-theme to address a specific issue of exclusion and accessibility in your community.

Include: Observance of the Day provides opportunities for participation by all stakeholders – Governments, the UN system, civil society and organizations of persons with disabilities – to focus on issues related to the removal of barriers to create an inclusive and accessible society that would benefit all.

Organize: Hold forums, public discussions and information campaigns in support of the themes of IDPD 2012 to find innovative ways and means by which barriers to the inclusion of persons with disabilities and their families can be broken down.

Celebrate: Plan and organize performances everywhere to showcase – and celebrate – the contributions made by persons with disabilities as agents of change and development in the communities in which they live.

Take Action: A major focus of the Day is practical action that would help to remove barriers that limit accessibility for and participation by persons with disabilities in all aspects of society and development. Highlight progress and obstacles in creating accessible and inclusive society, including in terms of physical environments, information and communications technology and other areas, as well as promote public awareness of existing barriers to the full inclusion of persons with disabilities in their societies.


 

“Creando un Comunidad Accesibel pa Tur”

E Plataforma pa Persona cu Limitacion
E Plataforma pa Persona cu Limitacion (PPL) a lanta na december 2007 ora fundacion- y asociacionnan estableci na Aruba cu ta atende cu clientenan cu un discapacidad a forma un aliansa na vanguardia di e bienestar di personanan cu un limitacion motorico, intelectual, visual of auditivo na Aruba. E Plataforma aki tabata activo desde e tempo ey. Su lema ta: “Hey! Mi tambe t’ey!” indicando asina cu personanan cu discapacidad tambe ta forma parti di e comunidad Arubiano.
E aña aki PPL ta celebra su prome lustro.

Tocante e Seminario aki
E Plataforma ta organisa e Seminario aki titula: “Creando un Comunidad Accesibel pa Tur.” Esaki lo ser teni dia 3 di december 2012, cu ta Dia Internacional pa Persona cu Limitacion. E seminario lo tuma luga den e Grand Ballroom di Aruba Marriott Resort, cuminsando cu registracion 8:00 di mainta y terminando cu un receptie 5:00 di atardi (mira Programa). Cu yudansa di nos sponsornan nos lo ofrece un cuminda nutritivo merdia. E idioma uza na e Seminario aki lo ta Papiamento.

Pakico e Seminario aki
Meta di e Seminario aki ta pa hunto nos bin cu proposicionnan pa kita e obstaculonan cu ta stroba personanan cu discapacidad di
participa plenamente y efectivamente den nos comunidad. E proposicionnan aki lo sirbi como base pa un plan nacional y integral pa sigui mehora accesibilidad pa personanan cu discapacidad na Aruba.

Pa ken e Seminario ta
E Seminario aki ta intenciona pa profesionalnan cu por duna un aporte significativo na logra kita obstaculonan di accesibilidad pa personanan cu discapacidad. Lo tin invitadonan tanto di departamentonan di gobierno como di instancia- y organisacionnan no-gubernamental.

Loke Bo por spera
Parti mainta lo bo haya informacion clave tocante personanan cu limitacion na Aruba for di Censo 2010 y tambe for di un sondeo local haci recientemente. Lo bo tende di e propio personanan cu discapacidad kico ta e obstaculonan mas grandi cu nan ta topa cune diariamente den ehercemento di nan actividadnan.

Loke nos ta spera di Bo
Nos kier tende di Bo ki solucion abo como profesional lo por bin cune pa haci nos comunidad mas accesibel pa personanan cu limitacion. Parti merdia lo reparti e participantenan den grupo. Abo lo forma parti di e grupo cu ta relaciona cu bo area di trabou. P’esey bo presencia y aporte na e Seminario aki lo ta di gran balor.

E Convenio di Cooperacion
Awor cu Plataforma ta cumpli su prome lustro ta net bon tempo pa formalisa e union di cooperacion aki. Ta p’esey cu durante e Seminario aki lo firma un Convenio di Cooperacion mediante cua e Plataforma aki ta ser formalisa.

Plataforma ta duna reconocimento
Durante e Seminario lo duna reconocimento na sr. Ben Broekman, kende na 2007 a tuma e iniciativa pa lanta e Plataforma. Nos lo reconoce sr. Ramon Todd Dandare pa a traduci e Tratado Tocante Derecho di Persona cu Discapacidad.
Plataforma lo duna reconocimento tambe na cinco empresa cu ya caba ta duna debido atencion na accesibilidad, tanto pa cliente como pa trahado cu discapacidad.

Confirma bo participacion!

Ta importante pa nos haya confirmacion di bo participacion na e Seminario aki. Pa esaki, por fabor, tuma contacto cu Caroll Kock na 587-0657 of na 567-6626. Of manda bo nomber, nomber di e instancia unda bo ta traha, bo funcion y bo informacion di contacto (email, telefon, celular, etc.) na: heymitambetey@yahoo.com.
Participacion ta gratis.

Nos ta gradici bo di antemano pa bo aporte y participacion y ta mira cu anticipacion na traha hunto cu bo na un Aruba mas accesibel pa tur.